Shaphang ka Distrik

Ka West jaintia Hills district kadei kawei na ki (11) Khatwei tylli ki district jong ka jylla Meghalaya. Da ka jingphiah ia ka Rilum Jaintia ha ka Rilum Jaintia Mihngi bad Rilum Jaintia Sepngi ba la thaw ia ka ha ka 31 tarik July 2012 bad ka head quarter ka dei ka Jowai.Ka Jowai ka dei kaba pdiang ia baroh ki Khlieh jong ki ophis sorkar abad ki iing seng, ki ophis skul,ki iing jaka sumar,bad ki iing jaka kynshew pisa bad kiwei kiwei de.

Ka jingheh jong ka district ia dei 1693 square kms. Ka district ka don (1)kawei ka sub division kaba dei ka Amlarem bad (3) lai tylli bad kita ki dei Amralem,Laskein bad Thadlaskein bad pud u sam ki long kumne harum:-

Shatei – Assam
Shathe – Bangladesh bad East Jaintia Hills District
Mihngi- Assam
Sepngi – East Khasi Hills District.

Ka jingdon briew hapoh district baroh kawei ka long 2,70,352 ha kaba 1,34,406 ki dei ki Shynrang bad 1,35,946 ki kynthei.Ka jingbun ki briew ka dei 159.69 ha man ka shi kilomiter.

 

The district has a total population of 2,70,352, of which 1,34,406 are males and 1,35,946 are females. The density of Population is 159.69 per sq. km.

Population
Name of the Block Area(Sq. Kms) Male Female Total Population Population Density
Amlarem 398.00 21750 21802 43552 109.43
Laskein 390.40 45182 44783 89965 230.44
Thadlaskein 896.60 53761 54654 108415 120.92
Jowai(Urban) 8.00 13713 14707 28420 3552.50
Total 1693.00 134406 135946 270352 159.69

Ki Jinglong Mei Mariang

Ka West Jaintia Hills district ka dap da ka Khyndew kaba eh bad ba Kyllain bad ka jingdon jong ki riat ba jylliew,ki maw ba nep lynshiang,ki them kiba khim ba la pyllong da ka wah Ymngot, Myntdu,Myntang bad kiwei pat ki wahduid ba kyllain bad ba mih na ki bynta jong ka district.
Ka district ka ka don ki khlaw kiba bha ba dap da ki jingthung bad ki mrad. Kawei na ki daw jong ka jingdon jong ki khlaw kiba heh ka dei na ka jing don ki law kyntang ba sumar da ka Raij.Kine ki law kyntang ki don ha Jowai,Raliang,Shangpung,Mukhla, Nongtalang, Chyrmang bad kiwei ki jaka khlaw shnong. Shibun ka riti ka dustur, ka jing itynnad shibun jong ka mariang,ka don shibun ki jaka jngoh kai, ba iahap na ka bynta kiba ieid mei mariang and ka lad na aka bynta ka pule puthi bad ki jingwad bniah.

Jinglong Suin Bneng

Ka jinglong ka mariang jong ka West Jaintia Hills district ka don ia ka jing sngewtynnad kaba kyrpang. Kam da shit ha ka por lyiur bad kam da khriat ha ka por tlang. U slap u jur ha lka por South West Monsoon. U slap u jur ha ka por ka Souty West Monsoon bad ka shait sdang naduh shiteng bnai u May bad ka hiar suki suki ha ka bakut u bnai September. Ka jingheh jong u slap ha ka district ha kine ki khyndiat snem ba la lah ka lah kiew na ka daw ka jingdon ka lyer slap bad ka jingdap jong u lyoh ha ka aiom slap. Ka jingsngem jong ka haw haw ka jur ha u bnai July katba ha u december ka long kaba duna bha.

Ka Synshar Khadar

U Deputy Commissioner u dei u khlieh jong ka District Administration. U dei u nongpyniaid ain u ba halor hapoh district. Ia u Deputy Commisioner la synrop da bun ki Officers kum u Additional Deputy Commissioner, Sub-Divisional Officer jong ka Amlarem Civil Subdivision bad ki Extra Assistant Commissioner ban iarap ha baroh ki liang jong ka roi ka par.Ka jing pynbiang ia ka ain bad ka jingryntih ka dei kawei pat ka bynta jong ka administration ban ai iaka jingshong shngain bad ban iada iaka jingim bad jingdon jingem jong ki nong shong shnong. Ha kane ka liang , U Deputy Commissioner u dei u District Magistrate ban peit iaka ain bad iaka jingiaid ryntih hapoh district. Ia u District Magistrate la synrop da u Additional Deputy Magistrate, Sub-Divisional Magistrate bad kiwei ki Executive Magistrate ha ka jingiatrei lang bad ki Police Department lada donkam. U Superintendent of Police u dei u Khlieh jong ka Police Administration ka ophis jong u Deputy Commissioner, West Jaintia Hills District ka don ha Iawmusiang, Jowai.

Ka District ka don 5 tylli ki (Assembly Constituencies) Assembly Konstituensi, kata ki dei: 1-Nartiang (ST), 2-Jowai(ST), 3-Raliang(ST), 4-Mowkaiaw(ST), 7-Amlarem(ST). Ki member ka ingdorbar thawain (Legislative Assemblies) la jied na ka bynta ka samoi ba 5 snem.
Ka don kawei ka Autonomous District Council kata ka dei ka Jaintia Hills Autonomous District Council kaba ialam da u Chief Executive Member, ha ka jinsynrop jong ki Executive Members. Ka Council ka trei bad ka pyndep iaki kam ki jam bad ki duties kumba bynshet ha ki kat kam ka sixth schedule jong ka riti synshar jong ka ri India.

Ki kam ki jam jong ka council la bynshet lyngba ka executive legislative bad ki tnad kashari. Ia ki member jong ka council la jied da ka jing mynjur jong ka samoi san snem. Ka office jong ka jinatia hills Autonomous District council ka don ha iawmusiang, jowai

Ka Kolshor

Ka west Jaintia Hills District ka dei ka iing jong ki babun ki jait bynriew riew lum jong ka MEGHALAYA ka ba la tip kum ka Jaintia’s lane ki pnar bad ki wei ki jait bynriew kum ki war.Ka west Jainti Hills District ka dei ka iing jong ki jaidbynriew kum ki jaintia lane ki Pnar bad kiwei pat de ki dei ki War, ki Bhoi bad ki Biates kum ki khasi, ki Jaintia la ngeit ba ki dei kiba dang sah jong ki jingstad jong ki Monggoliam ha India. Ki la Pynskhem ia lade ha kane ka jaka ha ki por mynshwa bad ba dei ka jinglong kyrpang ka khyndew ka lah ban ioh ia ka jinglait luid tang shu dep ka jing synshar jong ka british ha kane ka bynta jong ka india. Ka jaintia ka dei ka imlang sahlang ba shim jait naka kmie, kaba long kham niar bad ba kham kyrpang hynrei ki kpa ki dei ki khlieh jong ka iing. Ha ka iing ka dei kaba khatduh kaba ioh pateng bad ka dei ka dustur baka hap ban peit ban jngoh iaki ba ha iing lada jia kano kano ka jingkyrduh bad ha ka pang ka shitom.

Ka Ktien ka Thylliej

Ki nong shong shnongha district ki dei ki Pnar, War,Bhoi (Karbis) bad ki Biate. Ka dei kaba shisha bay m dei tang kawei ka ktien ba ki ia kren. Hynrei ka ktien khambun ba ki pyndonkam da ki nong shong shnong jong ka district ka dei ka ktien pnar kaba pher na ka ktien khasi jong ka East bad West Khasi Hills District jong ka State Meghalaya kumba lah tip ymdon ki dak thoh na ka bynta kane ka ktien bad ka ktien khasi la pyndonkam ha ki jing pule.

Ki Jingshad bad Sur jingrwai)

Ki jaitbynriew Pnar ki sngewtynnad bha iaki jinshad, jingrwai , ki jingialehkai bad ki jinglehkmen. Da kaba kynmaw iala ka tynrai ka riti dustur , kine ki jaitbynriew ki long kiba im ka jingim bakmen bad bas bun. Ki pnar khamtam ki sngewtynnad bha iaki jingrwai kiba ai jingiaroh iaka mariang kum iaki pung ki kshaid, ki lumrit bad kiwei kiwei de, kiba da pynpaw ruh ka jingieit iaka khynde ka shyiap . ki pyndon kam bun jait ki tiar tem tiar put kum ka Duitara, sarong (Kiba baroh ki ki dei ki kynja jingtem), Ka Nakra, Padiah, Katsa(kiba dei ki jait ksing), Marynken (Ka jingtem ksai),Ka chuwiang ,tangmuri(Ki jait jingput) kiwei kiwei de. Ki jaidbynriew pnar hi kidei kiba ieit sur jingrwai bad kida pynling ruh iaka Duitara kum ka Syiem ki sur jingrwai ka jingling tynrai, Ka Ryndia khyrwang, ka Ryndia Saru, Ka Ryndia Stem, ka Ryndia tlem ki dei ki ji8ngriam kiba juh riam da ki kynthei jaintia . Ki Shynrang pat ki juh riam da kaba phong ki sula, Yuslein,patoi, Dhara bad kiwei kiwei de. Bunsien ki kynthei hi ki juh deng ki jingdeng Ksiar bad ki jingdeng Rupa kum ki khaila kpieng ksiar , sahkti, khadu, pynsngiat(ki jingdeng barit ha khlieh) bad kiwei kiwei de haka por ba pynlong iaka jing shad Laho.
Baroh ki shynrang bad Kynthei ki ia shad lang ha ka jingshad Laho. Hala ki jong ki jingriam bha, Bunsien ki samla shynrang na baroh arliang ki samla kynthei ki iabat kti lang, ia shad da ki kyndon pa kyndon. Ha ka jaka ki ksing bad ki jingput, u nong shad pdeng , uba bunsien hi u dei u shynrang uba la pynkhamti daka sap ban rwai ki sur phawar, U phawar da ki ar kynnoh iaki ktien jingrwai ban pynsngewbha iaki nong peitkai .

‘ka shad Pliang’, La pynlong ha ki Iing Syiem ban pynsngewbha iaki nongwan sngewbha ba long kynja Syiem. Ia kine ki jingshad la juh pynlong ruh ha ki Madan.

‘Chad Sukra’ , Kane ka dei ka jinglehkmen jong ki jing shad kadei kaba la pynlong shisien shisnem ha Jowai bad ha kiba bun ki shnong ba hap hapoh West Jaintia Hills District, ha ka shisngi ha ki bnai iaiong/Jymmang shwa ka port hung por bet.

Ki Jinglehkmen

Behdiengkhlam:

kane ka dei ka jinglehkmen kaba donkam bha jong ki jaitbynriew jaintia bad iaka ba la rkhie ne pynlong hadien bala dep ka por bet. Ia kane la rkhie shisien shisnem ha Jowai , Ialong, Mukhla, Thadmuthlong bad chyrmang bunsien hi haki bnai joong u naitung –Nailar. Kalong ka jinglehkmen ba pawnam bad ba phuh daki rong ki rup . Tang ki Shynrang hi, samla bad Tymmne , Kiba iashim bynta ha ki jingshad ba pyniahap bad ki ksing bad jingput besli . Ki kynthei kim lah ban iashim bynta ha ki jingshad, hynrei ki don pat iak bynta ba kongsan haiing ban ai ki bam jingknia iaki mynsiem kiba la iap jong ki mynbarim ka kur ka jait. Ki khot kyrpad bakita ki mynbarim bala iap na lyndet kin wanrah ka jingroi jingpar ka dap kabiang haki khun pateng hadien. Ki shynrang pat ki ieng kum ka dak ban beh ne pynher krad iaki ksuid ki khrei kiba wanrah iaka khlam ki jingpang bad jingduh jingkyrdukh,da kaba shoh da ki dieng siej ha man la kit num iing . Kane ka dei ruh ka jinglehkmen kaba khot kyrpad ia u Blei ban pan ka jingkyrkhu ban bha u khaw u kba, ki jingthung jingtep, ka rep ka riang.

Ka Niam

Ka Niam Rim ne ka Niam tynrai hi jong ki jaitbynriew jaintia la tip kum ka Niam Tre. Ki riewlum Jaintia ki ngeit ba ka naim jongkika dei ka niam bala buh la thaw da u Blei (Ymdei kaba la Shem da u Briew) bad u briew baroh u wan da ka Hukum U Blei. Ki lai tylli ki mat ba kongsan ba k9i ngeit ba u Blei u la phah iaki ka long ban ‘Ban Kamai iaka Hok’ ban tip briew tip Blei bad tip kur tip kha. Ki im ka jingim da kaba leh hok trei bad kamai da ka hok , ban pyndep ka kamram ban kit khlieh iaka bynta u para briew ban ioh poi shakhmat u blei, bad pynpaw ka burom iaki ba haiing u kpa bad ka kmie. Kumta ka Niamtre ka shon jingmut hi da kaba ai ka jing kitkhlieh bad kumjuh ia man u para briew ban tip ia U Blei.

Ka Jing synshar jong ki phareng ha u snem ba khadhynriew ki la wanrah ka lyer ka jingkylla ha ba bun ki liang ne rukom pyrkhat jong ka imlang sah lang ki jaitbynriew Jaintia, kiba bun hi ki briew kila sdang ban kdup ne pdiang iaka niam Kristan Kum ka niam jong ki. Kumjuh ruh daka jing wanpoi ki nongialap phareng na Welsh , ki ba bun hi ki dak ka jingkylla kala shim bynta kiba la ktah ia kiba bun ki ain ka riti dustur ka niam ka rukom , ka jingngeit , ka ktien ka khana , ka rukom bam ,ka riam ka beit bad ka ba kongsan eh ha kaba iadei bad ka koit ka khiah , ka jingnang jingtip bad ka roi ka par ki briew . Nyngkong eh , lada don ba iap ha shnong ha thaw , baroh ki briew ha shnong kin sangeh ka leit trei leit ktah bad ki ia wan ia shong lang ha iing jong u nongiap . Haduh mynta ruh ki briew ki dang bud iakane ka rukom haduh mynta katla haki jingbunkam ki por ki sngi mynta.
Ymdei tang ka niam Kristan ba la mih , hynrei shibun kiwei ruh ki niam ki don hapoh kane ka district kum ka niam Unitarian,Niam Hindu,Ki niamMuslim bad kiwei kiwei de.

Ka rukom thaw dur bad shna dur

Ki jaitbynriew Jaintia ki pawnam bha ha ka liang ka sap thain shang thain khoh bad rukom thain bun rukom kum ki shylliah , ki mura bad ki shang , ki pawnam bha ruh haba thain jingsiang bad ki jainrusom bad kiba shna ki tiar tem tiar put , ki jingdeng ksiar bad ba bun ka rukom suh kyllain pynwandur ha ki tiar . ki suh ki jainkup jainsem , sopti ba bun rukom.
Kyllumlang baroh ki don bun ki jait riam bala pyndonkam daki shynrang bad kynthei hapoh kine ki thain ki kynthup lang iaki riam ba ki phong tang haki por leh kmen leh sngewbha bad kumjuh ruh ki riam ba man la ka sngi.

Ki khiew Khyndew

Ki jaitbynriew na Jaintia ki pawnam bha ha ka sap ban thaw dur bad shna ki khiew da ka khyndew. Ki shna bun rukom ki khiew khyndew kum ki Maloi kiba la pyndonkam ban buh ki jingbam ba bun jait bad kiwei kiwei de, Ki tipot khyndew bah eh ban shetsha , ki mok um khyndew ban dih um.

Ki Jingbam

Ki briew Jaintia ki sngewtynnad ban bam jadoh (ka Ja ba la shet lang bun ki jingpynkhleh ). La shet da ka ba pyndonkam bad ka khlieh dohsniang. Iaka Jadoh bunsien la bam lang bad ka dohkhlieh . Sa kawei pat ka bam ba ki juh sngewtynnad ka dei ka’ Tpu tharo’ (Ka kpu bala sain na u khaw ba la tylliat bha) ia kaba la bamlang ha ka por dihsha. Ki briew Jaintia ki pawnam bha ha kaba shet ia ka ‘Tungtoh’ ne ‘tung rymbai’ kaba dei ka jingbam bala shet da kaba khlehlang da u presbin bala pdem bhabad ki jingkhleh pynsma bang kaba la pyndonkam bha ha kino kino ki bam ngewlehkmen sngewbha. Sa kawei ka bam tynrai jongki ka dei ka kharang ne ka ktung .U kwai u ba syriem kum u ‘Mithapan’ ki nong Assam u ba donkam bha ha ki jingbam ki briew Jaintia.