Ka ioh ka kot

KI JINGTREI JINGKTAH BAD KAMAI KAJIH

Ka rep ka riang ka dei ka rukom trei babun eh ha West Jaintia Hills District. Kumba 70% ki briew ki im bad kamai da ka jingrep jingriang ban im ja kpoh. U khaw bad riewhadem ki dei ki jingthung ba thung ha kylleng ka district bad la don ka jingpynbha shuh shuh ha ka rukom thung ia kine ki jingthung. La pyrshang ban thung ia u kew ruh bad ka jingpynmih ka long kaba ai mynsiem. U Phan, sying, rynsun bad shynrai ruh ki dei ki jingthung ba mih bha ha ka distrik. Ha ka distrik ka pynmih ia u shynrai ba bha bha ba la khot kyrteng kum u shynrai lakadong.

Ha ki sharing lum ba shathie sha ki liang Dawki-Syndai, lah ban iohi shibun ki jingthung kwai and tympew ruh.Lah ban iohi ruh ba mynta la sdang ban thung ia ki jingthung kum ki symbai umphniang( kum ki symbai tyrso, rymbai), ia ki jingthung ba long dawai, tiewdieng bad ki syntiew ban ioh khaii.

Ka distrik ka don bun ki lad ban pynroi ia ki rukom rep rukom riang namar ka don ka suin bneng kaba iadei kaba lah ban thung ia ki jingthung kum ki soh, ki jhur, sohniamtra, sohtrun, ka kait, sohjew, soh phan bad ki jait soh kum ki soh plum, sohphoh lah ban thung bha ha ka distrik. Nalor kitei ki jingthung haneng, ka distrik ka pynmih ruh ahibun u sohsaw, kubi bad phul kubi.

Ka jingri ia ki khniang ryndia ruh ka long kawei na ki jingtrei jingktah jong ki briew khamtam kito kiba im hajan ki khlaw.