Ka Border Areas Development

Ka jingtreikam jong kane ka tnad (Department)

Ka jingthmu ba kongsan jong kane ka tnad ka long ban peit ia ka jingpyntrei kam ia ki scheme ha ki shnong khappud. Ia kane ka tnad jong ka Border Area la thaw ha u snem 1973 da ka jingthmu ban khmih na ka bynta ki jingpyntrei ia ki scheme bapher bapher bad ki kam pynroi hapoh ka Border Areas Development Programme bad kiwei kiwei ki programme da kaba iatrei lang bad kiwei pat ki tnad sorkar kiba trei ia ki kam pynroi.Ki shnong ba hap hapoh border area ki dei ki shnong kiba ka jingjngai ka long 10km na suin haba khein na khappud Bangladesh bad kumjuh ruh na Assam. Ka jingjrong jong u lain khappud Bangladesh hapoh ka district West Jaintia Hills ka dei 31 km bad u lain khappud Assam ka dei 98.86 km.

Ki programme ba pyntrei da kane ka tnad

  1. Ka Special Central Assistance (SCA) hapoh ka Border Area Development Programme (BADP) ba bei tyngka da ka sorkar pdeng.
  2. Ka Inter State Border Areas Development Programme (ISBASP) ba bei tyngka da ka sorkar jylla.
  3. Ki jingshna bad jingmaramot ia ki ophis building bad kiwei kiwei ba bei tyngka da ka sorkar jylla.
  4. Ka jingiarap baibam(scholarship) ia ki khynnah pule ba shong ba sah ha khappud ba bei tyngka da ka sorkar jylla.

Katto katne shaphang kane ka tnad.

Ha shwa ban phiah ia ka India bad Bangladesh, ka ioh ka kot jong ki briew ba shong bas ah ha khappud ka ri Bangladesh ki kham biang ha ka ioh ka kot namar ba ki ioh ba pyniaid ia ki jingthung ba ki rep sha ki iew ba don ha Bangladesh.bad kumjuh ruh ki mar napoh ri Bangladesh ki wan poi sha ki shnong khappud. Hynrei hadien ba la phiah ia ka ri ha u snem 1947, ka khaii ka pateng ka la thut noh bad ki briew kiba shing ha khappud ki mad ia ki jingeh ha kaba ki lad ki lynti ha ka ban pyniaiad iew ia ki mar ki mata la khang noh. Ban pyn kham duna ia ki jingeh jong kine ki briew, ka sorkar India ka la thaw ki lad ki lynti da kaba wanrah ia ki scheme bapher bapher hapoh ka Border Area Development Programme (BADP) ia kaba ka sorkar ka la pynrung hapoh ka plan san snem naduh ka plan san snem kaba saw. Ka Special Central Assistance hapoh ka Border Areas Development Programme SCA (BADP) ka dei kada la bei tyngka 90% da ka sorkar pdeng bad 10% da ka sorkar jylla.

Kane ka tnad ka pyntrei ruh ia ka programme kaba ai kyrteng Village Development Programme in areas bordering Assam kaba khot ruh ka Inter State Border Areas Development Programme(ISBADP) kaba bei tyngka da ka sorkar jylla.

Ka jingjied ia ki scheme

Na ka bynta ban jied ia ki scheme hapoh ka Border Areas Development Programme (BADP) ka don ka komiti kaba khot ka District Level Co-Ordination and Selection Committee (DLC&SCia kaba la khlieh da u Deputy Commissioner kum u Chairman bad ki MLA kiba hap hapoh ki thain khappud bad ka Bangladesh bad kumjuh ki khlieh jong ki ophis jong kiwei pat ki tnad sorkar bad border Security Force (BSF) kum ki dkhot.U Assistant Director / BADO(Hqr) u long u member-secretary kane ka komiti. Kumjuh ruh ha kaba iadei bad ka jingjied ia ki scheme hapoh ka ISBADP, ka don kawei pat ka komiti ba la khlieh da u Deputy Commissioner kum u Chairman, ki MLA of na ka thain khappud Assam ki khlieh jong ki ophis jong kiwei pat ki tnad sorkar kum ki dkhot. U Assistant Director / BADO(Hqr) u dei u member secretary.

Ka jingmang tyngka na ka bynta kine ki scheme ka pher na kawei ka snem sha kawei pat. Ki scheme kim dei na ka bynta uno uno ne kano kano ka briew shimet hynrei ka dei ban long kaba myntoi lang ia ka shnong ka thaw bad ruh ki kam lah ban pyntrei tang ha ki jaka khappud.

Ki jingdon ki nongtrei

Kane ka tnad ka don ar tylli ki ophis hapoh ka district, kawei ha district headquarter kata ha Jowai bad kawei pat ha border block kata ha Dawki. Ha ka ophis ha Jowai u don u Assistant Director uba long ruh kum u Border Areas Development Officer (BADO) headquarter bad la iarap da u Junior Engineer, Sectional Assistant, LDA,) Peon, Driver, Data Entry Operator bad Chowkidar. Ha ka ophis ha Dawki don u Boder Areas Development Officer (BADO) bad la iarap da u LDA, Peon bad Chowkidar.

Katto katne ki jingeh

Ha kaba iadei bad ka jingpyntrei ia ki project jong ka tnad, katto katne ka tnad ka ju iakynduh kum kine harum;

  1. Ka jingjngai bad ka jingbymlait lynti.
  2. Ka jingpyntrei ha ki jaka ba don jingiakajia.